by Lawsinismo

Maraming namamanlapataya ang naniniwala na ang tunay na pangalan ni Jesus ng bibliya ay Jesus Christ.

Subalit, unang-una ang pangalang “Jesus Kristo” ay wala sa bibliya.

Pangalawa, ang pangalang Jesus Kristo ay hindi firstname at lastname ng messiah.

Pangatlo, ang pangalang Jesus ay wala sa bokabularyo ng mga Hebrew.

Pangapat, ang alpabeto ng Hebrew ay walang letrang “J”.

Panglima, ang pangalan na binigay ng diyos ama ni Jesus ay Emmanuel.

Kung ang mga rebelasiyon na ito ay totoo, sino ang tunay na Kristo na pinagdadasalan ng mga deboto ng simbahang Kristiyano?

Sa sinaunang Hebreo, ang pagbuo ng pangalan ay ginagawa sa pamamagitan ng paglagay ng katangian ng isang tao kasunod sa kanyang unang pangalan. Ang katangian o label na ito ang kumikilala ng pangalan niya kumpara sa ibang tao na may parehong pangalan. Halimbawa nito ay kung ang tatlong tao ay mayparehong pangalan na Pedro. Paano mo matutukoy ang isa sa bawat isa? Para masolusiyunan ang problema na ito, ang katangian ng kanyang magulang o di kaya ang unique na katangian niya ang ilinalagay kasunod sa unang pangalan nito. Kung si Pedro ay anak ng karpentero, ang magiging pangalan niya ay si “Pedro anak ng karpentero”; kung ang nanay ni Pedro ay labandera, ang maaring pangalan ni Pedro ay si “Pedrong anak ng maglalaba”; o di kaya kung si pedro ay bulag o pilay, maari siyang tawagin na si “Pedrong Bulag” o si “Pedrong Pilay”..

Kahit na sa araw na ito, mayroong ilang bahagi ng mundo kung saan ang mga tao ay hindi nagkaroon ng isang lastname. Karamihan sa mga remote na lugar na ito ay gumagamit ng mga natatanging sistema na makilala ang kanilang sarili mula sa isat isa. Kung ang ang ama ni juan ay isang magsasaka, ang bata na ito ay tatawagin na si “Juan, ang anak ng magsasaka”. Kung si juan ay laking anak-araw, ang pangalan niya ay magiging si “Juan ang anak-araw”.

Gayun din dito sa Pilipinas, bago sinakop ito ng mga banyaga, ang ating mga ninuno ay gumagamit din nitong paraan ng paglalagay ng label o katangian sa pangalan ng kanilang anak. Kahit ngayon na nasa modernong sibilisasyon na ang ating bansa, marami pa rin lalo na yung mga nakatira sa bundok at mga ilang na lugar ang gumagamit pa rin nitong systema ng pagpapangalan. Sa mga probinsiya, naririnig pa rin natin kahit ngayon ang mga pangalan kagaya ng mg sumusunod: si Petrang anak ng Pedro, si Juang albularyo, si Mariang walang palad, si Rahah Soliman ng Palawan o si Datu Puti ng Kabisayaan. Itong mga pangalan na nabanggit ay nagpapatunay lang na ang pangalan noong mga sinauna ay binubuo lamang ng label at hindi ng apelyido.

Ngayon saan kinuha ni Hesus ang pangalang “Jesus” at apelyidong “Kristo”?

Tandaan na ang Bibliya ay unang sinulat sa Hebrew. Ito ay nangangahulugan na ang lahat ng mga passages sa Biblia ay hindi nakasalin sa salitang Ingles. Ang mga verses ay sa Hebrew. At sa alpabeto ng Hebrew, ang titik “J” ay di kasali sa mga letra nito. Dahil dito malamang na ang pangalang “Jesus” ay nagmula sa pangalang Hoshua o Joshua sa ingles na ang ibig sabihin ay salbasiyon. At sa paglipas ng panahon ito ay naging Yehoshua. At kung pagaaral mo ang historya ng Hebrew o Aramic, ang pangalan na Jesus ay hindi mo matatagpuan sa kahit na anong salita o aklat nila. Ito ay nagpapatunay lang na kahit sa kanilang pangaraw-araw na bokabularyo, ang pangalang Jesus ay hindi nageexist. At kung mayroon ngang pangalang Jesus noon ang dapat naging tawag sa kanya ay si “Yoshua ang anak ng karpintero” o si “Yoshua anak ni birheng Maria”. Subalit kahit saan sa lumang tipan, ang pangalang “Jesus Christ” ay di mo makikita o mababasa.

Ngayon, saan galing ang apelyidong Kristo o Christ?

Ang Judaism ay naniniwala sa pangako ng kanilang Diyos tungkol sa salbasiyon sa “promise land”. At isang “mesiyas” o taong magdadala sa kanila sa pangakong lupa. Ang magiting na tao na ito ay mangagaling sa linya ni David. At katagang Mesiyas sa Hebreo ay salin sa salitang “Moschiach” na ang ibig sabihin ay “anointed”. Kaya kung isasalin natin ang pangalang “Jesus ang Mesiyas” sa hebreo, ang magiging tamang pangalan ni Jesus Christ ay “Yehoshua Moschiach”. Subalit, uulitin ko uli na walang pangalang Jesus o Kristo sa Hebrew.

Ang pangalang Jesus Christ ay lumabas lamang ng idagdag ang Bagong Tipan o New Testament ng Katoliko sa lumang tipan ng Judaism. Ang buong bagong tipan ay sinulat sa “Koine” o salitang griyego. Subalit ang pagsalin ng salitang Hebrew sa Greek ay hindi madali sa panahon noon. Ito ay ginagawa sa pamamgitang ng dalawang sistema: ang translasiyon at transliterasyon. Sa sistema na ito, maaring mawala ang pagbibigkas ng isang salita o ang buong kahulugan ng salita. Kaya ang salitang Yoshua ay naging Iesosus, kung saan ang huling kataga ay kasingtunog ng kanilang Diyos na si Zeus.

Pagdating ng mahabang panahon, ang lumang tipan at ang bagong tipan ay napagsama sa isang libro na ang tawag ay “Vulgate”. Ito ang kaunaunahang bibliya ginawa ng Romano Katoliko. Ang linguaheng ginamit sa bibliya na ito ay ang salitang Latin. Dito nabuo ang pinagsamang Yehoshua (yahweh-saves) at Khristos (anointed) o sa inglish ay “The Anointed Savior” na naging “Christ the Savior” o Iesus (savior) Khristos (kristo) o “Iesus Kristo”.

Nang dumating ang taong 1600, ang letrang “I” at “Y” ay napalitang ng letrang “J” ng naibento ang salitang english. Nalimbag ang bibliyang King James Version (KJV), na gawa ng mga protestante at di ng katoliko, at lahat ng pangalan sa bibliya na nagsisimula sa I or Y ay naging J. Ang salitang Iesus ay naging Jesus at at ang salitang Kristo ay naging Christ. At dahil dito nabuo ang salitang “Jesus Christ” na naging pangalan ng isang nilalang na pinanganak sa sabsaban.

Kaya kung magdadasal kayo ngayong gabi, magisip-isip kayo ….

Dapat ba manalangit kayo kay Yehoshua ang Moschiach ….. o sa pekeng pangalan na Jesus Christ.

Hmmm …. ngayon alam mo na kung bakit ang iyong mga panalangin ay hindi nasasagot ng iyong panginoon, nagdadasal ka pala sa maling anak ng diyos!

At ang nakakatawa pa, sinabi ng isang anghel kay birheng Maria na ang isisilang nyang anak ay dapat pangalanan na “Emmanuel”. Kaso, hindi siya nakinig! Kaya ayun, imbis ang mga mananampalataya ay nagdadasal kay Yehoshua Moschiach ang kanilang panalangin ay nabaling kay Jesu Kristo…lol.

…